पछिल्लाे इजरायली आक्रमणमा कम्तीमा ४५ प्यालेस्टिनीको मृत्यु

काठमाडौँ। गाजा पट्टीका विभिन्न भागमा इजरायली आक्रमणमा कम्तीमा ४५ प्यालेस्टिनी नागरिकको मृत्यु भएको त्यहाँकाे सरकारी समाचार संस्था वाफाले जनाएको छ।

प्यालेस्टिनी अधिकारीहरूले आवासीय क्षेत्रहरूमा व्यापक भौतिक संरचनाको विनाश र मृत्युको संख्या बढेको जनाएका छन् । अधिकारीहरूले अस्पतालहरूमा थेग्नै नसकिने गरी दबाब बढेको पनि बताएका छन् ।

पछिल्ला केही दिन यता इजरायली सेनाले गाजा शहरमा आफ्नो कारबाहीलाई विस्तार गर्दै बासिन्दाहरूलाई बस्ती छोड्न चेतावनी दिएको छ । गाजाको नागरिक सुरक्षा निकायले आक्रमणका कारण इजरायलले विस्थापितहरूलाई आश्रय दिने विद्यालयहरू र आवासीय भवनहरू खचाखच भरिएको जनाएको छ ।

इजरायली सेनाले एक विज्ञप्ति जारी गर्दै ‘गाजामा ‘व्यापक भौतिक संरचनाको विनाश’ गरी शहर खाली गर्न खोजेको उल्लेख गरेको छ ।

हमास नियन्त्रित गाजाको सरकारी मिडिया कार्यालयले एक विज्ञप्तिमा भनेको छ, ‘अगस्ट ११ मा आफ्नो भूमि (गाजामा) आक्रमण सुरु भएदेखि इजरायली सेनाले एक हजार ६०० भन्दा बढी आवासीय भवनहरू र विस्थापित परिवारहरूका लागि बनाइएका १३ हजार टेन्टहरू नष्ट गरेको छ, जसले तीन लाख ५० हजारभन्दा बढी मानिसहरूलाई पूर्वी गाजा शहरबाट मध्य र पश्चिमी क्षेत्रहरूमा भाग्न बाध्य पारेको छ ।’एजेन्सी