राष्ट्रपतिद्वारा चैत १९ गतेका लागि संसदका दुवै सदनको अधिवेशन आह्वान

काठमाडौँ । राष्ट्रपति रामचन्द्र पौडेलले संसदका दुवै सदनको अधिवेशन आह्वान गरेका छन् ।

नेपालकाे संविधानको धारा ९३ को उपधारा (१) बमोजिम उनले संघीय संसद प्रतिनिधि सभा र राष्ट्रिय सभा का दुवै सदनको अधिवेशन आह्वान गरेका हुन् ।

राष्ट्रपति कार्यालयबाट जारी भएकाे विज्ञप्ति अनुसार, राष्ट्रपति पौडेलले नेपाल सरकार, मन्त्रिपरिषद्को मिति २०८२/१२/१६ को सिफारिस अनुसार संवत् २०८२ साल चैत १९ गते बिहीबार, दिउँसो २ बजे संघीय संसद भवन, सिंहदरबारमा अधिवेशन सञ्चालन गर्न आव्हान गरेका हुन् ।

यस सम्बन्धमा राष्ट्रपति भवनका प्रवक्ता रितेशकुमार शाक्यले जानकारी दिएका छन् ।