सुनको मूल्यमा बृद्धि, कतिमा हुँदैछ कारोबार ?

काठमाडौँ । नेपाली बजारमा आइतबार सुनको मूल्यमा बृद्धि भएकाे छ । आज प्रतितोला १ हजार २०० रूपैंयाँले मूल्य बढेको हाे । नेपाल सुनचाँदी व्यवसायी महासंघका अनुसार आज प्रतितोला सुनको मूल्य २ लाख ९३ हजार २०० कायम भएको छ ।

गत हप्ता आइतबार ८ हजार २०० रूपैंयाँले मूल्य घटेको थियाे भने साेमबार प्रतितोला ९०० रूपैंयाँले मूल्य घट्याे । मंगलबार २ हजार रूपैंयाँले मूल्य बढेको थियाे ।

बुधबार १० हजार १०० रूपैंयाँले मूल्य घटेको थियाे भने बिहीबार ५ हजार १०० रूपैंयाँले मूल्य घट्याे । शुक्रबार प्रतितोला ५ हजार ३०० रूपैंयाँले मूल्य बढेको थियाे ।

यता आज चाँदीकाे मूल्य पनि बढेको छ । ५५ रुपैयाँले बढेर एक तोला चाँदीको मूल्य ४ हजार ८९५ रुपैंयाँ कायम भएको छ ।

गत माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।