सुनकाे मूल्यमा आज पनि उच्च रेकर्ड कायम, चाँदीकाे भाउ पनि बढ्याे

काठमाडौँ । नेपाली बजारमा आइतबार पनि सुनको मूल्य बढेकाे छ । आज प्रतिताेला २ हजार ४ सय रुपैँयाँले मूल्य बढेकाे हाे । याे सँगै सुनकाे मूल्य हालसम्मकै उच्च भएकाे छ ।

गत हप्ता आइतबार सुन ६ सयले बढ्याे भने साेमबार ४ हजार २ सय रुपैँयाँले मूल्य बढेकाे थियाे । मंगलबार प्रतिताेला २ हजार ७ सय रुपैँयाँले मूल्य बढेकाे थियाे । बुधबार भने एकै दिन प्रतिताेला १० हजार ४ सय रुपैँयाँले मूल्य बढ्याे । बिहीबार प्रतिताेला २ हजार ९ सय रुपैँयाँले मूल्य घटेकाे थियाे । शुक्रबार ९ हजार २ सय रुपैँयाँले मूल्य बढेकाे थियाे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख तीन हजार आठ सय कायम भएको छ। यो हालसम्मकै उच्च मूल्य हाे । शुक्रबार ३ लाख १ हजार चार सय कायम भएको थियो।

यस्तै आज चाँदीकाे मूल्य पनि बढेको छ । २९० रुपैँयाँले बढेर एक तोला चाँदीको मूल्य आज ६ हजार ४८० कायम भएको महासंघले जनाएकाे छ । यो हालसम्मकै उच्च मूल्य हाे ।