बैंकिङ कसुर मुद्दाका फरार प्रतिवादी वीरगंजबाट पक्राउ

पर्सा । बैंकिङ कसुर मुदाका फरार प्रतिवादी वीरगंज महानगरपालिका-१९ बस्ने ३२ वर्षीय अनिलकुमार गुप्तालाई सोमबार प्रहरीले पक्राउ गरेको छ।

जिल्ला अदालत पर्साको फैसलाले उक्त मुद्दामा ५ लाख रूपैयाँ जरिवाना, २० हजार रूपैयाँ पीडित राहत कोषमा जम्मा गराउने र ३ दिन कैद सजाय ठहर भई फरार रहेका उनलाई जिल्ला प्रहरी कार्यालय पर्साबाट खटिएको प्रहरीले पक्राउ गरेको हो ।

फैसला कार्यान्वयनको लागि उनलाई जिल्ला अदालत पर्सामा पेश गरिएको छ ।