सुनको मूल्यमा नाै सयकाे गिरावट, कतिमा हुँदैछ काराेबार ?

काठमाडौँ । नेपाली बजारमा मंगलबार सुनको मूल्य घटेकाे छ । आज प्रतिताेला नाै सय रुपैँयाँले मूल्य घटेकाे हाे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख १ हजार ९०० कायम भएको छ।

याे हप्ता आइतबार प्रतिताेला २ हजार ३०० रुपैँयाँले मूल्य बढेकाे थियाे । साेमबार ३ हजार रुपैँयाँले मूल्य घटेकाे थियाे ।

गत हप्ता आइतबार ९ हजार ५०० रुपैँयाँले मूल्य बढेकाे थियाे । साेमबार प्रतिताेला ४ हजार १०० रुपैँयाँले मूल्य बढ्याे । मंगलबार ९०० रुपैँयाँले मूल्य बढेकाे थियाे । बुधबार १ हजार १०० रुपैँयाँले मूल्य बढ्याे । बिहीबार १०० रुपैँयाँ र शुक्रबार ३ हजार रुपैँयाँले मूल्य घट्याे ।

यस्तै आज चाँदीकाे मूल्य भने बढेको छ । २५ रुपैँयाँले बढेर एक तोला चाँदीको मूल्य आज ४ हजार ८८५ कायम भएको महासंघले जनाएकाे छ ।

माघ १५ गते बिहीबार सुन र चाँदी हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।