नाै सय रूपैँयाँले घट्याे सुनको मूल्य, कतिमा हुँदैछ कारोबार ?

काठमाडौँ । नेपाली बजारमा मंगलबार सुनको मूल्य घटेकाे छ । आज प्रतितोला ९०० रूपैंयाँले मूल्य घटेकाे हाे । नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख १०० रूपैंयाँ कायम भएको छ ।

यस हप्ता आइतबार १ हजार २०० रूपैंयाँले मूल्य बढेकाे थियाे भने साेमबार १ हजार २०० ले घट्याे । गत हप्ता आइतबार प्रतितोला ३ हजार १०० रूपैंयाँले मूल्य घटेकाे थियाे । साेमबार २ हजार ४०० ले गिरावट भएकाे थियाे भने मंगलबार प्रतितोला ३ हजार ५०० रूपैंयाँले मूल्य बढेकाे थियाे । बुधबार भने ३ हजार रूपैंयाँले मूल्य घटेकाे थियाे । बिहीबार ३ हजार ४०० रूपैंयाँले मूल्य बढेकाे थियाे भने शुक्रबार ४ हजार ८०० ले घटेकाे थियाे ।

यता आज चाँदीकाे मूल्य पनि घटेकाे छ । २० रुपैयाँले घटेर एक तोला चाँदीको मूल्य ४ हजार ६०० रुपैंयाँ कायम भएको छ ।

गत वर्ष माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।