सुनकाे मूल्यमा आज पनि उच्च बृद्धि, हालसम्मकै नयाँ रेकर्ड : कतिमा हुँदैछ काराेबार ?

काठमाडौँ । नेपाली बजारमा बुधबार पनि सुनको मूल्य ह्वात्तै बढेको छ ।‌ आज प्रतिताेला १० हजार ४ सय रुपैँयाँले मूल्य बढेकाे हाे ।

आइतबार ६ सयले बढ्याे भने साेमबार ४ हजार २ सय रुपैँयाँले मूल्य बढेकाे थियाे । मंगलबार प्रतिताेला २ हजार ७ सय रुपैँयाँले मूल्य बढेकाे थियाे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य २ लाख ९५ हजार एक सय कायम भएको छ। याे हालसम्मकै उच्च मूल्य हाे ।

गत हप्ता आइतबार सुन दुई हजार एक सय रुपैंयाँले बढेको थियो। साेमबार चार हजार एक सय रुपैँयाँले मूल्य बढ्याे । मंगलबार प्रतिताेला एक हजार आठ सय रुपैँयाँले मूल्य बढेकाे थियाे । बुधबार एक हजार पाँच सयले बढेकाे थियाे । बिहीबार भने एक हजार पाँच सयले घटेकाे थियाे । शुक्रबार भने प्रतिताेला सात सय रुपैँयाँले मूल्य बढेकाे थियाे ।

यस्तै आज चाँदीकाे मूल्य पनि बढेकाे छ । ४० रुपैँयाँले बढेर एक तोला चाँदीको मूल्य आज ५ हजार ९२० कायम भएको महासंघले जनाएकाे छ । याे पनि हालसम्मकै उच्च मूल्य हाे ।