आज ५.१९ अंकले बढ्याे नेप्से, कति भयाे काराेबार ?

काठमाडौँ । आइतबार नेपाल स्टक एक्सचेञ्ज (नेप्से) बृद्धि भएको छ । आज ५.१९ अंकले बढेर नेप्से २ हजार ५०९.०४ अंकमा पुगेको हो ।

तिहार बिदापछि लामो समयपछि शेयर कारोबार हुँदा आज नेप्सेमा २ अर्ब ६६ करोड १३ लाख २ हजार रुपैयाँको कारोबार भएकाे छ ।

नेप्सेमा कारोबार भएका मध्ये १४६ कम्पनीको शेयर मूल्य बढ्याे भने ९८ कम्पनीको मूल्यमा गिरावट आएकाे छ । त्यस्तै, ४ वटा कम्पनीको मूल्य भने आइतबार स्थिर रहेकाे नेप्सेले जनाएकाे छ ।

आज नेप्सेमा कारोबार भएका मध्ये १०.७५ प्रतिशत एसबिएल डिबेन्चर २०८९ का बिक्रीकर्ताले सबैभन्दा धेरै नाफा आर्जन गरे भने तारागाउँ रिजेन्सी होटेलको बिक्रीकर्ताले सबैभन्दा धेरै गुमाए ।

आइतबार जीवन बीमा, उत्पादन तथा प्रशोधन, निर्जीवन बीमा, अन्य र व्यापार समूह बाहेक सबै समूहको उपसूचक नकारात्मक बन्न पुगेको छ।