आज ह्वात्तै बढ्याे सुनको मूल्य, कतिमा हुँदैछ काराेबार ?

काठमाडौँ । नेपाली बजारमा मंगलबार सुनको मूल्य ह्वात्तै बढेको छ। आज प्रतिताेला पाँच हजार दुई सय रुपैंयाँले बढेकाे हाे । यससँगै आज प्रतिताेला २ लाख ४७ हजार ९०० रुपैंयाँ कायम भएको छ।

आइतबार प्रतिताेला दुई हजार नाै सय रुपैंयाँले बढेकाे थियाे । साेमबार प्रतिताेला एक हजार नाै सय रुपैंयाँले घटेकाे थियाे ।

गत हप्ता आइतबार प्रतिताेला ६ हजार नौ सयले घटेको सुन साेमबार ५०० ले बढेकाे थियाे । मंगलबार तीन हजार आठ सयले घटेकाे थियाे । बुधबार दुई हजार आठ सयले बढ्याे । बिहीबार सात सय रुपैंयाँले बढेकाे थियाे भने शुक्रबार प्रतिताेला एक हजार तीन सय रुपैंयाँले घट्याे ।

यस्तै आज चाँदीको मूल्य पनि ८५ रुपैंयाँले बढेको छ । यससँगै आज चाँदी ३ हजार दुई सय रुपैंयाँमा काराेबार भइरहेकाे नेपाल सुनचाँदी व्यवसायी महासंघले जनाएकाे छ।