आज बिहान ७ बजेदेखि साँझ ५ बजेसम्म काभ्रेमा विद्युत सेवा अवरुद्ध हुँदै (विज्ञप्तिसहित)

बनेपा । काभ्रे जिल्लामा आज शनिबार बिहान ७ बजेदेखि साँझ ५ बजेसम्म विद्युत सेवा अवरुद्ध रहने भएकाे छ।

नेपाल विद्युत प्राधिकरणले काभ्रे जिल्लाभर लोड कट आवश्यक पर्ने भएकाले दिनभरि सबै फिडरहरू बन्द रहने जनाएको हो।

प्राधिकरणका अनुसार काठमाडाैँ सब–स्टेशन अटोमेशन आयोजना अन्तर्गत भक्तपुर–बनेपा ६६ केभि प्रसारण लाइनमा बाइपास आइसोलेटर बदलाव कार्य गर्ने भएकाले काभ्रे वितरण केन्द्र र पाँचखाल वितरण केन्द्र अन्तर्गतका सम्पूर्ण फिडरहरूमा विद्युत सेवा बन्द गर्नुपर्ने भएको हो।

प्राधिकरणले सम्भावित असुविधाका लागि क्षमायाचना गर्दै निर्धारित समयभित्र मर्मत तथा प्रतिस्थापन कार्य पूरा गर्ने प्रतिबद्धता जनाएको छ।

यता पाँचखाल वितरण केन्द्रले भने सुनकोशी पावरहाउस isolated मोड चलाएर वैकल्पिक माध्यमबाट विद्युत सेवा सुचारु गर्ने प्रयास हुने भएको हुँदा पुरै दिन र एरिया लाइन बन्द नहुने तर केही समय system down हुन सक्ने जनाएकाे छ ।