प्रहरीद्वारा कात्तिकमा २४ करोड ८५ लाख १४ हजार ५६४ राजस्व दाखिला (कुन शिर्षकमा कति ?)

काठमाडौँ । नेपाल प्रहरीले गत कात्तिक महिनामा २४ करोड ८५ लाख १४ हजार ५६४ रुपैंयाँ राजस्व दाखिला गरेको छ ।

विभिन्न शिर्षकमा भएका कारबाही तथा जरिवानाबापत उठेको रकम सरकारको खातामा जम्मा गरिएको प्रहरीले जनाएको छ । जसमा अदालती फैसला कार्यान्वयनबाट ६ करोड ९६ लाख ७१ हजार ४४२ जम्मा गरिएको छ । यो कूल राजस्वको २८.०४ प्रतिशत हो ।

यस्तै ट्राफिक कारबाहीबाट २०.०२ प्रतिशत अर्थात् ४ करोड ९७ लाख ४५ हजार ६६१ जम्मा भएको छ । अवैध सुन बरामदबाट ३४ लाख ९७ हजार ९१९ अर्थात् १.४१ प्रतिशत, अवैध मालसामान बरामदबाट १० करोड ८४ लाख ७ हजार ६२५ अर्थात् ४३.६२ प्रतिशत जम्मा गरिएको छ ।

यसैगरि स्रोत नखुलेको रकम १ करोड ३५ लाख ८४ हजार ३५० (५.४७), अवैध नदीजन्य पद्धार्थ उत्खननबाट ११ लाख ४० हजार ८३० अर्थात् ०.४६ प्रतिशत, अवैध काठ बरामदबाट १ लाख ३ हजार ३८७ अर्थात् ०.४० प्रतिशत, अवैध पशुपन्छीबाट १३ लाख ५५ हजार ९५० अर्थात् ०.५५ प्रतिशत, अवैध मुद्रा बरामदबाट १ लाख ७ हजार ४०० अर्थात् ०.०४ प्रतिशत राजस्व दाखिला गरिएको प्रहरीले जनाएको छ ।

असोजमा २३ करोड ४३ लाख ८३ हजार राजस्व दाखिला
नेपाल प्रहरीले गत असोज महिनामा २३ करोड ४३ लाख ८३ हजार ३४० रुपैंयाँ राजस्व दाखिला गरेको थियो । विभिन्न शिर्षकमा भएका कारबाही तथा जरिवानाबापत उठेको रकम सरकारको खातामा जम्मा गरिएको प्रहरीले जनाएको छ । जसमा अदालती फैसला कार्यान्वयनबाट २ करोड ८० लाख ४० हजार ३६६ जम्मा गरिएको छ । यो कूल राजस्वको ११.९६ प्रतिशत हो ।

यस्तै ट्राफिक कारबाहीबाट १३.३८ प्रतिशत अर्थात् ३ करोड १३ लाख ७३ हजार ५०९ जम्मा भएको छ । अवैध सुन बरामदबाट १ करोड ५८ लाख ७० हजार ८४५ अर्थात् ६.७७ प्रतिशत, अवैध मालसामान बरामदबाट १५ करोड २४ लाख २९ हजार २१४ अर्थात् ६५.०४ प्रतिशत जम्मा गरिएको छ ।

यसैगरि स्रोत नखुलेको रकम १९ लाख ६४ हजार (०.८४), अवैध नदीजन्य पद्धार्थ उत्खननबाट ७ लाख ६३ हजार २८६ अर्थात् ०.३३ प्रतिशत, अवैध काठ बरामदबाट ७ लाख ६५ हजार अर्थात् ०.३२ प्रतिशत, अवैध पशुपन्छीबाट २८ लाख २४ हजार ३२० अर्थात् १.२ प्रतिशत, अवैध मुद्रा बरामदबाट १ लाख ६ हजार ४९६ अर्थात् ०.०५ प्रतिशत र अवैध चाँदी बरामदबाट २ लाख ४६ हजार ३०४ अर्थात् ०.११ प्रतिशत राजस्व दाखिला गरिएको प्रहरीले जनाएको छ ।