सुनको मूल्यमा सामान्य गिरावट, कतिमा हुँदैछ कारोबार ?

काठमाडौँ । नेपाली बजारमा शुक्रबार सुनको मूल्य घटेको छ। आज प्रतिताेला ५०० रुपैँयाँले मूल्य घटेकाे हाे ।

याे हप्ता आइतबार ५ हजार ६०० रुपैँयाँले मूल्य बढेकाे थियाे । साेमबार ३ हजार २०० रुपैँयाँले मूल्य बढेकाे थियाे भने बुधबार सुनको मूल्य स्थिर रह्याे । बिहीबार ६०० रुपैँयाँले मूल्य बढेकाे थियाे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख १४ हजार ९०० कायम भएको छ।

गत हप्ता आइतबार प्रतिताेला २ हजार ३०० रुपैँयाँले मूल्य बढेकाे थियाे । साेमबार ३ हजार रुपैँयाँले मूल्य घटेकाे थियाे । मंगलबार प्रतिताेला नाै सय रुपैँयाँले मूल्य घट्याे भने बुधबार एक हजार पाँच सय रुपैँयाँले मूल्य घटेकाे थियाे । बिहीबार चार हजार तीन सय रुपैँयाँले मूल्य बढेकाे थियाे । शुक्रबार स्थिर थियाे ।

यस्तै आज चाँदीकाे मूल्य भने बढेको छ। १५ रुपैँयाँले बढेर एक तोला चाँदीको मूल्य आज ५ हजार ७४० कायम भएको महासंघले जनाएकाे छ ।

माघ १५ गते बिहीबार सुन र चाँदी हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।