सुनको मूल्य २ हजार २०० ले घट्याे, कतिमा हुँदैछ कारोबार ?

काठमाडौँ । नेपाली बजारमा बुधबार सुनको मूल्य घटेको छ। आज प्रतिताेला २ हजार २००  रुपैँयाँले मूल्य घटेकाे हाे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख ७ हजार ७०० कायम भएको छ।

याे हप्ता आइतबार ४ हजार ८०० रुपैँयाँले मूल्य घटेकाे थियाे । साेमबार १०० रुपैँयाँले मूल्य बढेकाे थियाे भने मंगलबार ४०० रुपैँयाँले मूल्य बढ्याे ।

यस्तै आज चाँदीकाे मूल्य पनि घटेकाे छ । आज १८५ रुपैँयाँले घटेर एक तोला चाँदीको मूल्य आज ५ हजार १५० रुपैंयाँ कायम भएको छ ।

माघ १५ गते बिहीबार सुन र चाँदी हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।