आज सुनको मूल्यमा सामान्य गिरावट, कतिमा हुँदैछ कारोबार ?

काठमाडौँ । नेपाली बजारमा बुधबार सुनकाे मूल्य घटेकाे छ । आज प्रतितोला १ हजार रूपैंयाँले मूल्य घटेको हो ।

याे हप्ता आइतबार २ हजार ८०० ले मूल्य घटेको थियाे । साेमबार १ हजार ९०० ले मूल्य बढ्याे भने मंगलबार १ हजार ३०० ले मूल्य घट्याे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य २ लाख ९० हजार ५०० कायम भएको छ ।

गत हप्ता आइतबार ४ हजार ५०० ले मूल्य घटेको थियाे । साेमबार प्रतितोला ८०० ले मूल्य बढेको थियाे भने मंगलबार ५०० ले मूल्य बढ्याे । बुधबार ३ हजार ३०० ले मूल्य घट्याे । बिहीबार प्रतितोला १ हजार ८०० ले मूल्य बढेको थियाे । शुक्रबार प्रतितोला १०० ले मूल्य घटेको थियाे ।

यता आज चाँदीकाे मूल्य भने बढेको छ । २० रुपैयाँले बढेर एक तोला चाँदीको मूल्य ५ हजार ८० रुपैंयाँ कायम भएको छ ।

गत माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।