लिपुलेक हाम्रै भएकाे कुरा चीनलाई सम्झाउन बालेन्द्र साहद्वारा प्रधानमन्त्रीलाई अनुराेध

काठमाडाैं । आजदेखि चीन भ्रमणमा जानुभएका प्रधानमन्त्री केपी शर्मा ओलीलाई काठमाडाैं महानगरका प्रमुख बालेन्द्र साहले लिपुलेक हाम्रै भएकाे कुरा चीनलाई सम्झाउन अनुराेध गरेका छन् ।

सामाजिक सञ्जाल फेसबुकमा शुभकामना सन्देश लेख्दै मेयर साहले यस्ताे अनुराेध गरेका हुन् । उनले भनेका छन्, ‘चीन भ्रमणको शुभकामना प्रधानमन्त्री ज्यु । नेपालको लिपुलेक नाकाबाट व्यापार पुनः सञ्चालन गर्ने भारत-चीनको सहमतिले हाम्रो सार्वभौमिकतामाथिको अतिक्रमण गरेको छ, त्यो हाम्रो नै हो भन्ने कुरा चीनलाई सम्झाउन नबिर्सनु होला । All the best हामीलाई तपाईंमाथि पूर्ण बिश्वास छ।

प्रधानमन्त्री ओली आजदेखि ५ दिने चीन भ्रमणका लागि प्रस्थान गरिसक्नु भएकाे छ । उहाँ चीन गएसँगै कार्यबाहक प्रधानमन्त्रीको जिम्मेवारी भने उपप्रधानमन्त्री प्रकाशमान सिंहलाई दिइएकाे छ ।