माओवादी केन्द्र र एकीकृत समाजवादीसहित ८ दलबीच आज पार्टी एकता हुने

काठमाडौँ । नेकपा माओवादी केन्द्र, नेकपा एकीकृत समाजवादीसहित ८ वटा दलबीच आज पार्टी एकता हुने भएकाे छ ।

आठ दलका शीर्ष नेताहरुले कार्तिक १६ गते आज पार्टी एकता गर्ने सहमतिपत्रमा हस्ताक्षर गरेका थिए । साेही अनुसार आज उनीहरुबीच एकता हुने बताइएकाे छ।

आइतबार नेकपा माओवादी केन्द्रको केन्द्रीय कार्यालय पेरिसडाँडामा बसेको कार्यदलको बैठकमा यी पार्टीहरूबीच १८ बुँदे सहमति भएको गरेकाे थियाे ।

एकता गर्ने सहमति गरेका दलहरुमा नेकपा, नेकपा समाजवादी, जनसमाजवादी पार्टी नेपाल, नेपाल समाजवादी पार्टी, नेकपा एकीकृत समाजवादी, नेकपा माओवादी केन्द्र, नेकपा माओवादी समाजवादी र नेकपा साम्यवादी रहेका छन् ।