काठमाडौँ जिल्ला अदालतका सबै सेवा स्थगित

काठमाडौँ । काठमाडौँ जिल्ला अदालतले आफ्ना सबै सेवाहरू स्थगित गरेको छ । आज एक सूचना जारी गर्दै अदालतले अर्को सूचना जारी नभएसम्मका लागि सेवाहरु स्थगित गरिएकाे जनाएकाे हाे ।

जेएनजी आन्दोलनका क्रममा भएको आगजनीका कारण अदालत पूर्णरुपमा जलेको जनाउँदै सम्पूर्ण सेवा स्थगित गरिएको सूचनामा उल्लेख छ।

यसबाट सरोकारवाला तथा सेवाग्राहीहरूमा पर्न गएको असुविधाका लागि अदालतले दुःख व्यक्त गरेको छ।