बडादशैंको टीका आज पनि जारी

काठमाडौं। विजया दशमीको टीका ग्रहण आज पनि जारी छ।

पहिलो दिन टीका थाप्न टाढा जान नसक्नेहरु आज पनि मान्यजनको हातबाट टीका र आशीर्वाद ग्रहण गर्न जाने परम्परा छ।‌

विजया दशमीको टीका ग्रहण पाँच दिनसम्म निरन्तर रहनेछ। यसवर्षको दशैंको शुभ साइतमा बिहीबार बिहान ११:५३ मा टीका ग्रहण गरिएको थियो।

असोज ६ गते घटस्थापना गरिएको थियो। सो दिन राखिएका जमरा कोजाग्रत पूर्णिमाको दिनसम्म लगाइन्छ।