सुनकाे मूल्यमा आज पनि उच्च बृद्धि, हालसम्मकै नयाँ रेकर्ड कायम

काठमाडौँ। दशैं बिदापछि आइतबारदेखि उकालाे लागेकाे सुनकाे मूल्य आज पनि बढेकाे छ।

नेपाली बजारमा सुनकाे मूल्य आइतबार एकै दिन ७ हजार ४०० ले बढेकाे थियाे । साेमबार २ हजार ५०० ले बढेर नयाँ बिन्दुमा पुगेकाे सुन आज पनि २ हजार ३०० ले बढेर उच्चबिन्दुमा पुगेकाे छ । याे उच्च बृद्धिसँगै सुनकाे भाउले अहिलेसम्मकै नयाँ रेकर्ड बनाएकाे छ।

नेपाल सुनचाँदी व्यवसायी महासंघले आज सार्वजनिक गरेको मूल्यअनुसार छापावाल सुन तोलामा २ लाख ३५ हजार चार सय रुपैंयाँ कायम भएकाे छ।

यसअघि आइतबार छापावाल सुन तोलामा २ लाख ३० हजार ६ सय रुपैयाँ र साेमबार २ लाख ३३ हजार एक सय रुपैंयाँ कायम भएको थियो ।

यस्तै चाँदीको मूल्य भने आज स्थिर छ। आइतबार तोलामा २ हजार ९३० रुपैयाँ कायम भएको चाँदीको मूल्य साेमबार ३० रुपैंयाँ बढेर तोलामा २ हजार ९६० रुपैयाँ कायम भएकोमा आज पनि साेही मूल्यमा काराेबार भइरहेकाे महासंघले जनाएको छ।