आज ८.१६ अंकले घट्याे नेप्से, कति भयाे काराेबार ?

काठमाडौँ । शेयर बजार मापक नेप्से आज ८.१६ अंकले घटेको छ। यससँगै परिसूचक २ हजार ६६२.९१ विन्दुमा झरेको छ ।

आज ३३५ कम्पनीको १ करोड ९६ लाख १६ हजार ३९५ कित्ता शेयर ७ अर्ब ९४ करोड २७ लाख ६० हजार २२० रुपैयाँमा खरिदबिक्री भएका छन् ।

कारोबारमा आएका मध्ये ८६ वटाको मूल्य बढ्दा १६३ वटाको घटेकाे छ । बाँकी ९ वटा कम्पनीको मूल्य स्थिर रह्यो ।

आज बुद्धभूमि नेपाल, रिलायन्स स्पाइनिङ र साल्पा विकास बैंकको शेयर सर्किट लेभलमा कारोबार भएको छ।

कारोबार रकमका आधारमा रिदी पावर शीर्षस्थानमा रह्यो । सो कम्पनीको ६५ करोड ३ लाख २२ हजार मूल्य बराबरको शेयर कारोबार भएको नेप्सेले जनाएकाे छ ।