आज ४ हजार ४०० ले बढ्याे सुनको मूल्य, कतिमा हुँदैछ कारोबार ?

काठमाडौँ । नेपाली बजारमा मंगलबार सुनकाे मूल्य बढेकाे छ । आज प्रतितोला ४ हजार ४०० ले मूल्य बढेको हो । आइतबार १ हजारले मूल्य घटेको थियाे भने साेमबार ४०० ले मूल्य घट्याे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख २ हजार ९०० कायम भएको छ ।

गत हप्ता आइतबार प्रतितोला एक हजारले मूल्य घटेको थियाे भने साेमबार ३०० ले मूल्य घटेको थियाे । मंगलबार ३ हजार ८०० ले मूल्य घट्याे ।

बुधबार भने ५ हजार ८०० ले मूल्य बढेको थियाे । बिहीबार १ हजार ८०० ले मूल्य बढ्याे । शुक्रबार पनि १ हजार ३०० ले मूल्य बढेको थियाे ।

यता आज चाँदीकाे मूल्य पनि बढेको छ । ३५५ रुपैयाँले बढेर एक तोला चाँदीको मूल्य ५ हजार ६९५ रुपैंयाँ कायम भएको छ ।

गत माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।