सुनको मूल्यमा २ हजार ५०० काे बृद्धि, कतिमा हुँदैछ कारोबार ?

काठमाडौँ । नेपाली बजारमा शुक्रबार सुनको मूल्यमा बृद्धि भएकाे छ । आज प्रतितोला २ हजार ५०० रूपैंयाँले मूल्य बढेकाे हाे । नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख ७ हजार ४०० रूपैंयाँ कायम भएको छ ।

याे हप्ता आइतबार ९ हजार ५०० रूपैंयाँले मूल्य घटेकाे थियाे । साेमबार २ हजार ९०० रूपैंयाँले मूल्य घटेकाे थियाे भने मंगलबार ५०० रूपैयाँले घट्याे । बुधबार ८ हजार ८०० ले घटेकाे थियाे भने बिहीबार ७ हजार ६०० रूपैंयाँले मूल्य बढेकाे थियाे ।

गत हप्ता आइतबार २ हजार ८०० रूपैंयाँले मूल्य बढेकाे थियाे भने साेमबार ३ हजार २०० ले मूल्य बढ्याे । मंगलबार ५०० रूपैंयाँले मूल्य घटेकाे थियाे । यस्तै बुधबार प्रतितोला १०० रूपैंयाँले मूल्य घटेकाे सुन बिहीबार १ हजार २०० ले घट्याे । शुक्रबार भने २ हजार ४०० ले घटेकाे थियाे ।

यता आज चाँदीकाे मूल्य पनि बढेकाे छ । बुधबार ४० रुपैयाँले घटेर एक तोला चाँदीको मूल्य ४ हजार ७६५ रुपैंयाँ कायम भएको छ ।

गत वर्ष माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।