बाढी पहिराेले अवरुद्ध यी राजमार्ग अझै संचालन भएनन् (सूचीसहित)

काठमाडाैँ। गत हप्ताकाे बाढी पहिराेले अवरुद्ध भएका अधिकांश सडकहरु संचालनमा आए पनि केही अझै अवरुद्ध रहेका छन्।

अवरुद्धमध्ये कोशी राजमार्गमा पर्ने संखुवासभाको मकालु गाउँपालिका ३ एकुवा र भोटखोला गाउँपालिका ४ बरूणमा पहिरो खस्दा सवारी साधन चल्न सकेका छैनन्।

इलामकाे इलाम नगरपालिका राजदुवालीमा मेची राजमार्ग पनि अवरुद्ध भएकाेमा यहाँ भने वैकल्पिक मार्गबाट सवारी संचालन गर्न सकिने भएकाे छ । यता काभ्रेकाे बीपी राजमार्ग भने एकतर्फीरुपमा सुचारु भएकाे छ ।

यस्तै पासाङल्हामु राजमार्गमा पर्ने रसुवाको गोसाईंकुण्ड गाउँपालिका ३ फ्याङलुङमा बाढीले सडक कटान गरेकाले आज पनि सवारी साधन चल्न सकेका छैनन्। रसुवाकै गोसाईंकुण्ड गाउँपालिका २ रसुवागढीस्थित नेपाल र चीन नाका जोड्ने मितेरी पुलमा बाढीले क्षति पुर्‍याएकाले सवारी आवागमन अवरुद्ध रहेको ट्राफिक प्रहरीले जनाएकाे छ।