डिजेलकाे मूल्य प्रतिलिटर चार रुपैंयाँ घट्याे, पेट्राेल र ग्यासकाे यथावत

काठमाडौँ । नेपाल आयल निगमले पेट्रोलियम पदार्थको मूल्य घटाएको छ ।

निगमले आइतबार एक प्रेस विज्ञप्ति जारी गर्दै पेट्रोलियम पदार्थको मूल्य घटेको जानकारी गराएकाे हो ।

सोमबारदेखि लागू हुने गरी डिजेल/मट्टीतेलमा प्रतिलिटर चार रुपैंयाँ, हवाई इन्धन आन्तरिकतर्फ प्रति लिटर रु. १ तथा हवाई इन्धन अन्तर्राष्ट्रियतर्फ काठमाडौँको लागि प्रति किलोलिटर अमेरिकी डलर ७ ले घटाइएको छ ।

त्यस्तै पेट्रोलकाे मूल्य घटेर आए पनि बिक्री मूल्य यथावत राखिएको र खाना पकाउने एलपी ग्यासको बिक्री मूल्य पनि साविककै राखिएको निगमले जारी गरेको विज्ञप्तिमा उल्लेख छ ।