कांग्रेस केन्द्रीय कार्यसमितिको बैठक आज बस्ने

काठमाडौँ । गत असोज २८ गतेबाट शुरु भएको कांग्रेस केन्द्रीय कार्यसमितिको बैठक आज पनि बस्ने भएकाे छ । दिउँसो २ बजे पार्टी केन्द्रीय कार्यालय सानेपामा बैठक बस्ने तय भएको छ ।

पार्टीको महाधिवेशन कहिले गर्ने भन्ने विवाद भएपछि एक हप्ता केन्द्रीय कार्यसमिति बैठक रोकेर अनौपचारिक प्रयास गर्दा पनि मिल्न सकेको छैन ।

केन्द्रीय कार्यसमिति बैठकमा गत बिहीबारसम्म केन्द्रीय कार्यसमितिका पदाधिकारी र सदस्यले धारणा राख्ने क्रम सकिएको थियो ।

यसअघि शुक्रबार रोकेर शनिबार दिउँसो २ बजेका लागि बैठक बोलाइएकाे भए पनि त्यो समयमा भएका आन्तरिक प्रयासमा कुरा नमिलेपछि सोमबार दिउँसो २ बजेसम्मका लागि सारियो । निर्धारित समयमा बैठक बस्न नसकेपछि मंसिर ४ गते (आज)सम्मका लागि सारिएको थियो ।