आज सुनको मूल्य हालसम्मकै उच्च, कतिमा हुँदैछ कारोबार ?

नेपाली बजारमा आज सुनको मूल्य हालसम्मकै उच्चबिन्दुमा पुगेको छ।

सुन प्रतितोला १ हजार ८०० ले बढेको हो। यससँगै आज सुनको मूल्य उच्च बिन्दुमा पुगेको छ।

नेपाल सुनचाँदी व्यवसायी महासंघले जनाए अनुसार आज सुन प्रतितोला २ लाख ६९ हजार ३०० मा कारोबार भइरहेको छ।

यस्तै आज चाँदीको मूल्यमा पनि बृद्धि भएको छ।‌ आज चाँदी १६५ रुपैयाँ बढेको हो। यससँगै ४ हजार ५६५ मा कारोबार भइरहेको महासंघले जनाएको छ।‌