एसियन लाइफद्वारा मासिक आय सुविधा प्रदान

• श्याम शर्मा एल सि

सिन्धुपाल्चाेक । एशियन लाइफ इन्स्योरेन्स कम्पनी लिमिटेड मेलम्ची शाखाले बिमित व्यक्तिका परिवारलाई बिमाङ्क रकम प्रदान गरेकाे छ ।

२०८० साल जेठ ३१ गते सिमसन तामाङ्गको बाल भविष्य प्लसमा प्रस्तावक रामबहादुर तामाङ्ग रही बीमा गरिएकाे थियाे । उहाँले प्रत्येक वर्ष ५२ हजार ८०४ का दरले ३ वर्षमा १ लाख ५८ हजार ४१२ रुपैँयाँ कम्पनीलाई तिर्नु भएको थियो ।

बिमाङ्क रकम आठ लाखको बीमा गरेका प्रस्तावक रामबहादुर तामाङको प्राण घातक रोगका कारण गत साउन १५ गते मृत्यु भयाे । नाबालक सिमसन तामाङ्गलाई आठ लाखकाे एक प्रतिशतका दरले १६७ महिनासम्म आठ हजारका दरले मासिकरुपमा १३ वर्षभित्र १३ लाख ३६ हजार पाउने र बाँकी १३ वर्षको वार्षिक बीमा शुल्क कम्पनीबाट छुट गराइने कम्पनीले जनाएकाे छ ।

अवधि समाप्त भएपछि पूर्ण बिमाङ्क आठ लाख र तीन वर्षको बोनससहित गर्दा करिब २१ लाख ३६ हजार रुपैँयाँ नाबालकले पाउने एशियन लाइफका मेलम्ची शाखा इन्चार्ज सुधिर शर्मा दाहाल तथा एशियन लाइफ इन्स्योरेन्सका अभिकर्ता ल्हाक्पा तामाङले जानकारी दिनुभयो।