२०८२ पौष १७ गते बिहीबारः यस्ताे छ आजकाे राशिफल

काठमाडाैँ । २०८२ साल पौष १७ गते बिहीबार तदनुसार १ जनवरी २०२६ । त्रयोदशी तिथी ३४ घडी १८ पला उप्रान्त चतुर्दशी तिथी प्रारम्भ हुनेछ । रोहिणी नक्षत्र ३७ घडी ४ पला उप्रान्त मृगशिरा नक्षत्र प्रारम्भ हुनेछ । शुक्ल योग कौलव करण आज बिहान सूर्योदय ६:५६ मा भयो भने सूर्यास्त साँझ ५:१८ मा हुनेछ । आज बिहीबार चन्द्रमा बृष राशिमा ।

मेष
शेयर बजारबाट घाटा बेहोर्नुपर्नेछ। दौडधुपमा समय व्यतित भएर जानेछ। बोलीमा कठोरता आउनाले मनमा चिन्ता बढेर जानेछ। कुरा काट्नेहरु सक्रिय रहनेछन्। पठनपाठनमा असफलता प्राप्त हुनाले मानसिक तनाव बढेर जानेछ।

वृष
व्यापार व्यवसायमा सफलता पाइने योग छ । सौन्दर्यतामा मन जानेछ। माङ्गलिक कार्यमा सहभागी हुने अवसर जुट्नेछ। सवारी साधन जोडिन सक्ने सम्भावना प्रबल मात्रामा बढेर गएको देखिन्छ। उच्च व्यक्तिको सहयोग पाइनेछ।

मिथुन
कुरा काट्नेहरु सक्रिय रहनेछन् । स्वास्थ्यसम्बन्धी समस्याले सताउने देखिन्छ । व्यर्थैमा झैझगडाको सामना गर्नुपर्ने योग छ। पारिवारिक कलह बढेर जानेछ। पठनपाठनमा बाधा आउने योग छ।

कर्कट
बाेलीको प्रभाव पढेर जानेछ । हराएको धनमाल भेट्टाउन सक्ने सम्भावना प्रवल मात्रामा बढेर गएको छ। सामाजिक काममा समय व्यतीत भएर जाने योग छ। भूमिसम्बन्धी कामबाट राम्रै आम्दानी हुनाले सबैको विश्वासिलो भइनेछ।

सिंह
अनावश्यक खर्चको मात्रा बढेर जानेछ। मानसम्मानमा आघात पुग्नेछ। आर्थिक लेनदेनमा थोरै कुरामा पनि वादविवाद बढेर जाने देखिन्छ । अध्ययन अध्यापनमा बाधा आउनुका साथसाथै झुटा आरोपको समेत सामना गर्नुपर्ने योग छ।

कन्या
चोटपटकको सम्भावना बढेर गएकाले सवारी साधनबाट जोगिनुपर्ने देखिन्छ। थोरै कुरामा पनि पारिवारिक कलह बढेर जानेछ। न्यायिक काममा बाधा आउनाले मनमा चिन्ता बढेर जाने देखिन्छ । सजगताका साथ अगाडि बढ्नुहोला।

तुला
शत्रु पक्षबाट तपाईंकै जित हुने देखिन्छ। सामाजिक उत्तरदायित्व बढेर जानेछ। लेखन शैलीमा तीव्रता आउनेछ। लामो समयदेखि चल्दै आएको विवादको अन्त भएर जानुका साथसाथै प्रेम गर्ने अवसर समेत जुट्नेछ।

वृश्चिक
अग्र कामहरू पूरा भएर जानेछन्। अध्ययन अध्यापनमा सफलता मिल्ने देखिन्छ। पारिवारिक सरसहयोगले लामो समयदेखि फसेको धन उठ्न सक्ने सम्भावना प्रबल मात्रामा बढेर गएको छ।

धन
पारिवारिक कलह बढेर जानेछ । गरिरहेको काममा बाधा आउने योग छ। मान प्रतिष्ठामा आँँच आउने देखिन्छ । शत्रु पक्षबाट जोगिनुपर्ने योग छ। स्वास्थ्यसम्बन्धी समस्याले सताउनुका साथसाथै जागिरमा समेत अपजसको सामना गर्नुपर्नेछ।

मकर
शिरसम्बन्धी समस्याले सताउने देखिन्छ। थोरै कुरामा कलह बढेर जाने योग छ। आफन्तमा बहिरभाव आउने देखिन्छ । पठनपाठनमा बाधा आउनाले मानसिक तनाव बढेर जानुका साथसाथै राज्य पक्षबाट समेत कष्टता पाइने योग छ।

कुम्भ
पराक्रम बढेर जानेछ । फसेको धन उठ्न सक्ने सम्भावना बढेर गएको देखिन्छ। आम्दानीका नयाँ स्रोतहरू फेला पर्ने योग छ। दाजुभाइको सरसहयोगले मानसम्मानमा वृद्धि भएर जाने देखिन्छ । नयाँ कार्यको थालनी हुनेछ ।

मीन
अध्ययन अध्यापनमा सफलता पाइने योग छ। आयआर्जनमा वृद्धि भएर जानेछ। न्यायिक कार्यमा सफलता पाइने योग छ। पुराना साथीभाइसँग भेटघाट हुनाले रमाइलोमा समय व्यतित गरिनेछ।