इलाम आसपास केन्द्रविन्दु भएर पाँच रेक्टर स्केलको भूकम्प

काठमाडौँ । इलाम जिल्लाको माइजोगमाई गाउँपालिकास्थित नयाँबजार आसपास केन्द्रविन्दु भएर भूकम्प गएको छ ।

शनिबार साँझ पाँच रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्र लैनचौरले जनाएकाे छ ।

यसअघि गत पुस १९ गते उदयपुरको बागापती आसपास केन्द्रविन्दु भएर चार दशमलव तीन रेक्टर स्केलको भूकम्प गएको थियो ।

नेपाल हिमालय क्षेत्र भएकाले विभिन्न समयमा सानाठूला भूकम्प जाने गरेको छ ।