सुनको मूल्यमा सामान्य बृद्धि, कतिमा हुँदैछ कारोबार ?

काठमाडौँ । नेपाली बजारमा बुधबार पनि सुनको मूल्य बढेकाे छ। आज प्रतिताेला १ हजार १०० रुपैँयाँले मूल्य बढेकाे हाे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख ६ हजार ६०० कायम भएको छ।

याे हप्ता आइतबार ९ हजार ५०० रुपैँयाँले मूल्य बढेकाे थियाे । साेमबार प्रतिताेला ४ हजार १०० रुपैँयाँले मूल्य बढ्याे । मंगलबार ९०० रुपैँयाँले मूल्य बढेकाे थियाे ।

गत हप्ता शुक्रबार प्रतिताेला २० हजार ५ सय रुपैँयाँले मूल्य घटेकाे थियाे । आइतबार पनि १८ हजार आठ सय रुपैँयाँले मूल्य घटेकाे थियाे । साेमबार पनि १३ हजार चार सय रुपैँयाँले मूल्य घट्याे । मंगलबार भने प्रतिताेला ३ हजार सात सय रुपैँयाँले मूल्य बढ्याे । बुधबार १४ हजार ४०० रुपैँयाँले मूल्य बढेकाे थियाे । बिहीबार ९ हजार ५०० ले घटेकाे थियाे । शुक्रबार प्रतिताेला ४ हजार २०० रुपैँयाँले मूल्य घट्याे ।

यस्तै आज चाँदीकाे मूल्य पनि बढेको छ । ५० रुपैँयाँले बढेर एक तोला चाँदीको मूल्य आज ५ हजार २९० कायम भएको महासंघले जनाएकाे छ ।

माघ १५ गते बिहीबार सुन र चाँदी हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।