आज ३ हजार ८०० ले बढ्यो सुनको मूल्य, कतिमा हुँदैछ कारोबार ?

काठमाडौँ । नेपाली बजारमा मंगलबार सुनको मूल्य बढेको छ। आज प्रतिताेला ३ हजार ८०० रुपैँयाँले मूल्य बढेकाे हाे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख १७ हजार कायम भएको छ। आइतबार ३ हजार ५०० रुपैँयाँले मूल्य बढेकाे थियाे । साेमबार ३ हजार ७०० रुपैँयाँले मूल्य घटेकाे थियाे ।

गत हप्ता आइतबार ५ हजार ६०० रुपैँयाँले मूल्य बढेकाे थियाे भने साेमबार पनि ५ हजार ६०० रुपैँयाँले मूल्य बढ्याे । मंगलबार २ हजार ५०० रुपैँयाँले बढेकाे थियाे । बुधबार ११ हजार रुपैँयाँले मूल्य घट्याे । बिहीबार कारोबार भएन । शुक्रबार ४ हजार २०० रुपैँयाँले मूल्य घटेकाे थियाे ।

यस्तै आज चाँदीकाे मूल्य पनि बढेको छ । ३१० रुपैँयाँले बढेर एक तोला चाँदीको मूल्य आज ५ हजार ७२० रुपैंयाँ कायम भएको महासंघले जनाएकाे छ ।

माघ १५ गते बिहीबार सुन र चाँदी हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।