आज १ हजार २०० ले बढ्याे सुनको मूल्य, कतिमा हुँदैछ कारोबार ?

काठमाडौँ । नेपाली बजारमा आइतबार सुनकाे मूल्य बढेको छ । आज प्रतितोला १ हजार २०० ले मूल्य बढेको हो ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख १ हजार कायम भएको छ ।

गत हप्ता आइतबार २०० ले मूल्य बढेको थियाे । साेमबार ४०० ले घट्याे भने मंगलबार ३ हजार १०० ले मूल्य बढेको थियाे । बुधबार २ हजार ९०० ले मूल्य बढ्याे । यस्तै बिहीबार एक सयले बढ्याे भने शुक्रबार तीन हजारले घटेकाे थियाे ।

यता आज चाँदीकाे मूल्य पनि बढेको छ । आज ९५ रुपैयाँले बढेर एक तोला चाँदीको मूल्य ५ हजार २२५ रुपैंयाँ कायम भएको छ ।

गत माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।