ह्वात्तै बढ्याे सुनको मूल्य, कतिमा हुँदैछ कारोबार ?

काठमाडौँ । नेपाली बजारमा बुधबार सुनकाे मूल्य ह्वात्तै बढेकाे छ । आज प्रतितोला ५ हजार ८०० ले मूल्य बढेको हो । नेपाल सुनचाँदी व्यवसायी महासंघका अनुसार आज प्रतितोला सुनको मूल्य २ लाख ९६ हजार ८०० कायम भएको छ ।

याे हप्ता आइतबार प्रतितोला एक हजारले मूल्य घटेको थियाे भने साेमबार ३०० ले मूल्य घटेको थियाे । मंगलबार ३ हजार ८०० ले मूल्य घट्याे ।

गत हप्ता आइतबार २ हजार ७०० ले मूल्य बढेको थियाे । साेमबार १ हजार ३०० ले बढ्याे । मंगलबार भने ३ हजारले मूल्य घटेको थियाे । बुधबार ३ हजारले घट्यो। बिहीबार १ हजार ८०० ले मूल्य घटेको थियाे । शुक्रबार ३ हजार ४०० ले बढ्याे ।

यता आज चाँदीकाे मूल्य पनि बढेको छ । १७५ रुपैयाँले बढेर एक तोला चाँदीको मूल्य ५ हजार ५५ रुपैंयाँ कायम भएको छ ।

गत माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।