- २०८३ श्रावण १३ | Wed, 29 Jul 2026
– कालोटोपी डटकम
धुलिखेल, काभ्रे । कृषि सामग्री कम्पनी लिमिटेड, शाखा कार्यालय धुलिखेलमा साउन १३ गतेसम्म विभिन्न प्रकारका रासायनिक मल गरी ७७३.५५ मेट्रिक टन मौज्दात रहेको छ ।
कार्यालयले सार्वजनिक गरेको प्रगति विवरणअनुसार हाल युरिया ५४०.३०० मेट्रिक टन, डीएपी १३५.६५० मेट्रिक टन, पोटास ९७.६०० मेट्रिक टन मौज्दात रहेको छ । यस्तै कृषि चुन ३८.९५० मेट्रिक टन मौज्दात रहेको कार्यालयले जनाएको छ ।
उक्त अवधिमा २१ मेट्रिक टन युरिया मल आपूर्ति भएको छ भने युरिया १४९.१०० मेट्रिक टन, डीएपी ७४.९५० मेट्रिक टन र पोटास १.७५० मेट्रिक टन गरी कुल २२५.८०० मेट्रिक टन रासायनिक मल बिक्री भएको कार्यालयको विवरणमा उल्लेख छ ।
कृषि सामग्री कम्पनी लिमिटेडले पर्याप्त मौज्दात रहेकाले किसानहरूलाई आवश्यकता अनुसार नजिकको सहकारी संस्थाबाट सहजरूपमा मल खरिद गर्न आग्रह गरेको छ ।
कालोटोपी
प्रतिक्रिया