सुनको मूल्यमा ४ हजार ६०० रूपैंयाँकाे गिरावट, कतिमा हुँदैछ कारोबार ?

काठमाडौँ । नेपाली बजारमा शुक्रबार सुनको मूल्य घटेको छ । आज प्रतितोला ४ हजार ६०० रूपैंयाँले मूल्य घटेको हाे । नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख १ हजार ६०० रूपैंयाँ कायम भएको छ ।

यो हप्ता आइतबार प्रतितोला ४ हजार ८०० रूपैंयाँले बढेकाे थियाे । सोमबार २०० ले मूल्य घटेको थियो भने मंगलबार ६ हजार ४०० रूपैंयाँले मूल्य बढ्याे । यस्तै बुधबार १ हजार २०० रूपैंयाँले मूल्य घटेको थियाे । बिहीबार ५०० रूपैंयाँले मूल्य घट्याे ।

गत हप्ता आइतबार सुन प्रतितोला १ हजार ८०० रूपैंयाँले मूल्य घटेको थियाे भने साेमबार ८०० रूपैंयाँले मूल्य बढेको थियाे । मंगलबार २०० रूपैंयाँले मूल्य घटेको थियाे ।

यस्तै बुधबार ४ हजार २०० रूपैंयाँले मूल्य बढ्याे भने बिहीबार ८ हजार रूपैंयाँले मूल्य बढेको थियाे । शुक्रबार ९०० रूपैंयाँले मूल्य बढ्याे ।

यता आज चाँदीकाे मूल्य पनि घटेकाे छ । ९० रुपैयाँले घटेर एक तोला चाँदीको मूल्य ४ हजार ६६० रुपैंयाँ कायम भएको छ ।

गत वर्ष माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।