१ हजार २०० ले बढ्याे सुनको मूल्य, कतिमा हुँदैछ कारोबार ?

काठमाडौँ । नेपाली बजारमा आइतबार सुनको मूल्य बढेकाे छ । आज प्रतितोला १ हजार २०० रूपैंयाँले मूल्य बढेकाे हाे । नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख २ हजार २०० रूपैंयाँ कायम भएको छ ।

गत हप्ता आइतबार प्रतितोला ३ हजार १०० रूपैंयाँले मूल्य घटेकाे थियाे । साेमबार २ हजार ४०० ले गिरावट भएकाे थियाे भने मंगलबार प्रतितोला ३ हजार ५०० रूपैंयाँले मूल्य बढेकाे थियाे ।

बुधबार भने ३ हजार रूपैंयाँले मूल्य घटेकाे थियाे । बिहीबार ३ हजार ४०० रूपैंयाँले मूल्य बढेकाे थियाे भने शुक्रबार ४ हजार ८०० ले घटेकाे थियाे ।

यता आज चाँदीकाे मूल्य पनि बढेकाे छ । ६० रुपैयाँले बढेर एक तोला चाँदीको मूल्य ४ हजार ६६० रुपैंयाँ कायम भएको छ ।

गत वर्ष माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।