सुनको मूल्यमा ३ हजार २०० काे गिरावट, कतिमा हुँदैछ कारोबार ?

काठमाडौँ । नेपाली बजारमा बिहीबार सुनको मूल्य घटेकाे छ । आज प्रतितोला ३ हजार २०० रूपैंयाँले मूल्य घटेकाे हाे । नेपाल सुनचाँदी व्यवसायी महासंघका अनुसार आज प्रतितोला सुनको मूल्य २ लाख ९९ हजार १०० रूपैंयाँ कायम भएको छ ।

गत हप्ता आइतबार १ हजार २०० रूपैंयाँले मूल्य बढेकाे थियाे भने साेमबार १ हजार २०० ले घट्याे । मंगलबार नाै सयले घटेकाे थियाे । यस्तै बुधबार १ हजार ७०० रूपैंयाँले मूल्य बढ्याे ।

यता आज चाँदीकाे मूल्य पनि घटेकाे छ । १६५ रुपैयाँले घटेर एक तोला चाँदीको मूल्य ४ हजार ६५० रुपैंयाँ कायम भएको छ ।

गत वर्ष माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।