यातायात कार्यालय एकान्तकुनाबाट १५ जना बिचौलिया पक्राउ

ललितपुर । जिल्ला प्रहरी परिसर ललितपुर र मातहत प्रहरी बृत्त सातदोबाटोले यातायात कार्यालय एकान्तकुनाबाट १५ जना बिचौलियाहरु पक्राउ गरेकाे छ ।

प्रहरीले ललितपुर महानगरपालिका-१३ एकान्तकुना यातायात कार्यालयमा आउने सेवाग्राहीलाई अनावश्यक हैरानी दिने र अवरोध सिर्जना गर्ने १५ जना बिचौलियाहरुलाई आज बिहान ११ः३५ बजे नियन्त्रणमा लिएकाे हाे ।

उनीहरुलाई प्रहरी वृत्त सातदोबाटोमा राखि थप अनुसन्धान भइरहेको जिल्ला प्रहरी कार्यालय ललितपुरले जनाएकाे छ ।