देशका कुन राजमार्ग बन्द छन्, कहाँ सुचारु छ ?, यस्ताे छ अपडेट (सूचीसहित)

काठमाडौँ । देशभर भइरहेकाे अविरल वर्षाका कारण यतिबेला ठाउँ ठाउँका सडकहरु पूर्णरुपमा अवरुद्ध भएका छन्।

नेपाल प्रहरीले दिएकाे पछिल्लाे जानकारी अनुसार संखुवासभा, रसुवा, सिन्धुपाल्चाेक, काभ्रे र काठमाडाैं आउने जाने सडकहरु केही पूर्णरुपमा बन्द त केही एकतर्फी संचालनमा रहेका छन् ।

काभ्रेकाे अरनिकाे राजमार्ग अन्तर्गत धुलिखेल-खावा खण्डस्थित पकुचामा एकतर्फी यातायात संचालन भइरहेकाेमा अहिले बन्द छ ।

उता रसुवाकाे पासाङ ल्हामु राजमार्ग र नेपाल चीन जाेड्ने मार्ग पूर्णरुपमा अवरुद्ध छ । यता सिन्धुपाल्चाेककाे अरनिकाे राजमार्ग बिहान एकतर्फी सुचारु भएकाेमा अहिले पूर्णरुपमा बन्द छ।

संखुवासभास्थित काेशी राजमार्गका दुई खण्ड पूर्णरुपमा अवरुद्ध छन् । निरन्तर वर्षा भइरहेकाले ती सडकहरुमा अवराेध हटाउन केही समय लाग्ने भएकाे छ । याे आज ११ बजेर ५० मिनेटसम्म नेपाल प्रहरीले दिएकाे अपडेट हाे ।