तेस्रो मेलम्ची नगरस्तरीय पुरुष भलिबलको उपाधि योङ स्टार युवा क्लबलाई

सिन्धुपाल्चाेक। सिन्धुपाल्चाेककाे मेलम्ची नगरपालिकास्थित भोटेचौरमा सम्पन्न तेस्रो नगरस्तरीय पुरुष भलिबल प्रतियोगिताको उपाधि मेलम्ची-७ को योङ स्टार युवा क्लबले हात पारेको छ।

आज भएको फाइनल खेलमा मेलम्ची-७ कै सृजनशील युवा क्लबलाई पराजित गर्दै योङ स्टारले उपाधि हात पारेको हाे । उपाधिसँगै उसले १ लाख रुपैयाँ नगदसमेत प्राप्त गरेको छ। उपविजेतामा चित्त बुझाएको सृजनशील क्लबले ५० हजार रुपैयाँ पाएको छ।

त्यस्तै मेलम्ची-२ लाई पराजित गर्दै तेस्रो स्थान हासिल गरेको मेलम्ची-१२ ले २५ हजार नगद प्राप्त गरेको आयोजक क्लबका अध्यक्ष परशुराम चौलागाईंले जानकारी दिनुभयो। वडा नम्बर १ को सहयोग र भोटेचौर स्पोट्स क्लबको आयोजनामा कात्तिक २ गतेबाट शुरु भएको प्रतियोगितामा नगरपालिकाभित्रका १३ वटा टोली सहभागी भएका थिए ।

बिजेतालाई मेलम्ची-१ का वडा अध्यक्ष कृष्णमुरारी चौलागाईं लगायतले पुरस्कार वितरण गर्नुभएको स्थानीय शिक्षक दीप खतिवडाले जानकारी दिनुभयो।