नेप्से परिसूचक आठ दशमलव २४ अङ्कले घट्याे

काठमाडौँ । नेपाल स्टक एक्सचेञ्ज नेप्सेमा आज गिरावट देखिएको छ। नेप्से परिसूचक आठ दशमलव २४ अङ्कले घटेकाे हाे । यससँगै नेप्से दुई हजार ६२२ दशमलव ८९ को विन्दुमा कायम भएको छ।

आज ३३३ कम्पनीको एक करोड २१ लाख ८५ हजार ३८८ कित्ता शेयर ५४ हजार ८९२ पटक खरिदबिक्री भए । जसमा छ अर्ब पाँच करोड २२ लाख २६ हजार ९०३ बराबरको कारोबार भएको नेप्सेले जनाएको छ।

आज मुक्तिनाथ कृषि कम्पनी लिमिटेडको शेयर मूल्य सबैभन्दा धेरै नौ दशमलव ९९ प्रतिशतले बढेको छ। सबैभन्दा धेरै घट्नेमा भने इस्टर्न हाइड्रोपावर लिमिटेडको शेयर रहेको छ।

कारोबार रकम र कारोबार भएका शेयर सङ्ख्याका आधारमा आज सबैभन्दा धेरै शिवम् सिमेन्ट लिमिटेडको ३७ करोड ६८ लाख २४ हजार ४९४ बराबरको छ लाख १९ हजार ११४ कित्ता शेयर कारोबार भएको छ।