बागमती प्रदेशः थपिए दुई लाख पाँच हजार नयाँ मतदाता, कूल संख्या ३६ लाख १८ हजार नाघ्याे

हेटाैंडा । बागमती प्रदेशका १३ जिल्लामा आगामी फागुन २१ गते हुने निर्वाचन प्रयोजनका लागि दुई लाख पाँच हजार १६८ जना नयाँ मतदाता थपिएका छन् ।

यससँगै अब प्रदेशकाे कूल मतदाता संख्या ३६ लाख १८ हजार ३७ पुगेको छ। विसं २०७९ मङ्सिरमा भएको निर्वाचनमा प्रदेशको मतदाता सङ्ख्या ३४ लाख २२ हजार ८६९ थियो ।

मकवानपुर जिल्लामा गत २०७९ को निर्वाचनमा तीन लाख दुई हजार २४ जना मतदाता रहेकामा राष्ट्रिय परिचयपत्रको तथ्याङ्कबाट सात हजार ६३३ जना र प्रदेश निर्वाचन कार्यालयमा दर्ता भएका छ हजार ९७० जना नयाँ मतदाता थप भएका बागमती प्रदेश निर्वाचन कार्यालय हेटौँडाले जनाएको छ ।