आज पनि बढ्याे सुनको मूल्य, कतिमा हुँदैछ काराेबार ?

काठमाडौँ । नेपाली बजारमा बुधबार पनि सुनको मूल्य बढेको छ। आज प्रतिताेला नौ सय रुपैंयाँले बढेकाे हाे । यससँगै आज प्रतिताेला २ लाख ४८ हजार ८०० रुपैंयाँ कायम भएको छ।

याे हप्ता आइतबार प्रतिताेला दुई हजार नाै सय रुपैंयाँले बढेकाे थियाे । साेमबार प्रतिताेला एक हजार नाै सय रुपैंयाँले घटेकाे थियाे । मंगलबार पाँच हजार दुई सय रुपैंयाँले बढ्याे ।

गत हप्ता आइतबार प्रतिताेला ६ हजार नौ सयले घटेको सुन साेमबार ५०० ले बढेकाे थियाे । मंगलबार तीन हजार आठ सयले घटेकाे थियाे । बुधबार दुई हजार आठ सयले बढ्याे । बिहीबार सात सय रुपैंयाँले बढेकाे थियाे भने शुक्रबार प्रतिताेला एक हजार तीन सय रुपैंयाँले घट्याे ।

यस्तै आज चाँदीको मूल्य पनि २० रुपैंयाँले बढेको छ। यससँगै आज चाँदी ३ हजार दुई सय २० रुपैंयाँमा काराेबार भइरहेकाे नेपाल सुनचाँदी व्यवसायी महासंघले जनाएकाे छ।