एमालेकाे महाधिवेशन जारीः आजदेखि भृकुटी मण्डपमा बन्दसत्रका कार्यक्रम हुने

काठमाडौं । नेपाल कम्युनिष्ट पार्टी (एमाले)को ११औँ राष्ट्रिय महाधिवेशनको बन्दसत्र आइतबारदेखि शुरु हुँदैछ।

शनिबार भक्तपुरको सल्लाघारीमा उद्घाटन भएको महाधिवेशनको बन्दसत्र आजदेखि काठमाडौंको भृकुटी मण्डपमा हुन लागेको हो।

महाधिवेशनमा देशभरबाट आएका एमालेका नेता तथा कार्यकर्ता एवं शुभेच्छुकको उल्लेखनीय सहभागिता रहेको छ।

तीन दिने महाधिवेशनको उद्घाटन पार्टी अध्यक्ष केपी शर्मा ओलीले गरेका हुन्।

महाधिवेशनमा दुई हजार २६२ प्रतिनिधिको सहभागिता छ। बन्दसत्रबाट एमालेले आगामी पाँच वर्षका लागि पार्टीको नयाँ नेतृत्व चयन गर्नेछ ।