आजकाे माैसमः सबै प्रदेशमा वर्षा र हावाहुरीकाे सम्भावना

काठमाडौँ। मौसम पूर्वानुमान महाशाखाले हाल नेपालमा पश्चिमी न्यूनचापीय प्रणाली र स्थानीय वायुको प्रभाव रहेको जनाएको छ।

जसले गर्दा मधेस, बागमती, गण्डकी, लुम्बिनी, कर्णाली र सुदूरपश्चिम प्रदेशलगायत बाँकी पहाडी र हिमाली भागमा बादल लागेको छ ।

आज दिउँसो देशभर अधिकांश बादल लाग्नेछ। कोशी, मधेस, बागमती र गण्डकी प्रदेशका धेरै स्थानहरू तथा लुम्बिनी, कर्णाली र सुदूरपश्चिम प्रदेशका केही स्थानहरूमा चट्याङ्ग, असिना, हावाहुरीसहित वर्षा र हिमपातको सम्भावना छ।

राति देशभर साधारणतया बादल लाग्नेछ। कोशी प्रदेशलगायत बाँकी प्रदेशका हिमाली भागका थोरै स्थानहरूमा तथा बाँकी पहाडी भागका एक–दुई स्थानमा चट्याङ्गसहित हल्का वर्षा र हिमपातको सम्भावना रहेको महाशाखाले जनाएको छ।