ज्ञानकुञ्ज शैक्षिक प्रतिष्ठानले आयोजना गरेको ‘ज्ञानकुञ्ज रोड रेस’ सम्पन्न

बनेपा। सकारात्मक सोच, दृढ इच्छा शक्ति, तथा परिश्रमका साथ शैक्षिक क्षेत्रमा निरन्तर प्रगति गरिरहेको ज्ञानकुञ्ज शैक्षिक प्रतिष्ठानको छैठौँ रोडरेस कार्यक्रम शनिबार सम्पन्न भएको छ ।

पहिलो चरणमा बनेपाको तीनदोबाटोमा ज्ञानकुञ्ज शैक्षिक प्रतिष्ठान सञ्चालक समितिका अध्यक्ष एवं नेपाल उद्योग वाणिज्य महासंघका केन्द्रीय उपाध्यक्ष सुरकृष्ण वैद्यको सभापतित्वमा नेपाली महिला फुटबल टिमका गोलकिपर अञ्जना रानामगरले उद्घाटन गरी छात्राहरुको रोडरेस सुरु भएको थियो । सो रेस बनेपा तिनदोबाटोबाट सुरु भई चण्डेश्वरी मन्दिर परिक्रममा गरी प्रतिष्ठानमा आएर अन्त्य भएको थियो । दोस्रो चरणको कार्यक्रम ज्ञानकुञ्ज शैक्षिक प्रतिष्ठान सञ्चालक समितिका अध्यक्ष एवं नेपाल उद्योग वाणिज्य महासंघका केन्द्रीय उपाध्यक्ष सुरकृष्ण वैद्यद्धारा छात्रहरुको रोडरेस उद्घाटन गरी पनौती बसपार्कबाट सुरु भई प्रतिष्ठानसम्म भएको थियो ।

तेस्रो चरणको कार्यक्रम ज्ञानकुञ्ज शैक्षिक प्रतिष्ठान सञ्चालक समितिका अध्यक्ष एवं नेपाल उद्योग वाणिज्य महासंघका केन्द्रीय उपाध्यक्ष सुरकृष्ण वैद्यको सभापतित्वमा भएको थियो । प्रमुख अतिथि श्रीमेहर गण धुलिखेलका गणपति, प्रमुख सेनानी झलक सुबेदीले गर्नुभएको थियो । प्रतिष्ठानका प्रबन्ध निर्देशक प्रताप वैद्यले स्वागत मन्तव्य राख्नुभएको थियो । कार्यक्रममा बोल्दै वैद्यले शिक्षाको समाज परिवर्तनकारी भूमिकाको चर्चा गर्दै व्यवहारिक तथा जीवनोपयोगी शिक्षालाई आत्मसाथ गर्दै खेलकुदमार्फत एसईईपछि बिदाको समयलाई दुर्व्यसन तथा कुलतबाट बचाउन ‘लत हटाउनुस, स्वस्भथ रहनुस्’ भन्ने नाराका साथ रोड रेस प्रतियोगिता आयोजना गरिएको बताउनुभयो ।

रोडरेस कार्यक्रममा ज्ञानकुञ्ज शैक्षिक प्रतिष्ठान, बनेपाबाट छात्रातर्फ तुलसा गौतम र छात्रतर्फ चण्डेश्वरी सृष्टिकान्त मा.वि.बनेपाबाट अभिशेक जर्गामगर प्रथम, ग्रेसल्याण्ड मा.वि. बनेपाबाट पार्वती श्रेष्ठ छात्रा र शङ्खेश्वरी मा.वि.बाट अनिस खत्री द्धितीय र चण्डेश्वरी सृष्टिकान्त मा.वि. बनेपाबाट समिता अधिकारी छात्रा र सिद्धार्थ वनस्थली पनौतिबाट दावा शेर्पा तेस्रो भएका थिए ।

प्रतियोगितामा प्रथम हुनेलाई क्रमशः नगद ३० हजार, २० हजार र १० हजार, प्रमाणपत्र तथा मेडल प्रदान गरिएको थियो । समापन कार्यक्रममा राष्ट्रिय महिला राष्ट्रिय महिला फुटबल टिमका गोलकिपर अञ्जना रानामगर, विद्यालय संचालक आत्माराम थापा, नेपाल पत्रकार महासंघ काभ्रेका अध्यक्ष बिनोद न्यौपाने, जिल्लाका क्रियाशिल पत्रकारहरु, प्याब्सन काभ्रेका अध्यक्ष श्याम भुजेल, बनेपा नगर प्याब्सनका अध्यक्ष महेन्द्र बिष्ट, कलेजका सहायक कलेज प्रमुख नवराज चौलागाई, विद्यालयका सहायक प्रिन्सिपल नमराज दाहाल, ईलाका प्रहरी कार्यालय बनेपाका प्रमुख रामेश्वर त्वाँति, जिल्ला ट्राफिक कार्यालयका प्रमुख सन्तोष धजु , एपिएफ क्लबका व्यवस्थापक तथा अन्तराष्ट्रिय भलिवल रेफ्री, सशस्त्र प्रहरी निरिक्षक श्री बिजय के.सी., शिर मेमोरियल हस्पिटल, रेयूकाई एईको मासुनागा आँखा अस्पताल, सिडब्लुसि पोलिक्लिनक, सिर इमरजिङ्ग, बनेपा हेल्थ केयर तथा विभिन्न संघ संस्थाका प्रतिनिधिहरुको उपस्थिति रहेको थियो । एसईई दिएर बसेका विद्यार्थीलाई सही मार्गमा हिँडाउन र खेलकुद मार्फत् अनुशासन कायम राख्न सो प्रतियोगिता आयोजना गरिएको हो ।