राजनीतिक भागबन्डा मिलेसँगै निस्कियो सर्टलिस्ट

एमालेकै भागमा परेको पोखरा प्रतिष्ठानमा भने एमाले नेतामाझ नै उम्मेदवार छान्ने रस्साकस्सी देखिएको छ । पार्टीनिकट चिकित्सकहरूले प्रधानमन्त्री तथा एमाले अध्यक्ष केपी शर्मा ओलीलाई प्रा.डा. चण्डिका पण्डित वा प्रा.डा. भरतबहादुर खत्रीमध्ये एक जनालाई उपकुलपति बनाउन प्रस्ताव गरेका छन् ।

तर, पूर्वस्वास्थ्य मन्त्री तथा गण्डकी प्रदेशका प्रभावशाली नेता खगराज अधिकारी भने प्रा.डा. विधानिधि पौडेलको पक्षमा सक्रिय देखिएका छन् ।
अन्य प्रतिस्पर्धीमा प्रा.डा. नारायणसिंह गुरुङ, प्रा.डा. अर्जुन आचार्य र प्रा.डा. माया लामा छन् ।

धरानस्थित बीपी कोइराला स्वास्थ्य विज्ञान प्रतिष्ठानको उपकुलपति चयन प्रक्रिया भने थप जटिल बनेको छ । एमालेले समर्थन गरेका भनिएका प्रा.डा. सञ्जीव शर्मा सर्टलिस्टमै नपरेपछि प्रतिष्ठान कांग्रेसकै भागमा पुगेको संकेत देखिएको छ ।

कांग्रेस सभापति शेरबहादुर देउवा र नेता डा. शेखर कोइराला बीपी कोइराला प्रतिष्ठानको उपकुलपति आफ्नै दलको सिफारिसमा हुनुपर्ने पक्षमा छन् । उनीहरूका लागि बीपी कोइराला प्रतिष्ठान छाड्नु राजनीतिक रूपमा स्वीकार्य नभएको स्रोतले जनाएको छ ।