सुनको मूल्य आज पनि ह्वात्तै घट्याे, एकै दिन १८ हजार ८०० काे गिरावट : कतिमा हुँदैछ काराेबार ?

काठमाडौँ । नेपाली बजारमा आइतबार पनि सुनको मूल्य ह्वात्तै घटेकाे छ । आज प्रतिताेला १८ हजार आठ सय रुपैँयाँले मूल्य घटेकाे हाे । गत शुक्रबार प्रतिताेला २० हजार ५ सय रुपैँयाँले मूल्य घटेकाे थियाे ।

नेपाल सुनचाँदी व्यवसायी महासंघका अनुसार आज प्रतितोला सुनको मूल्य ३ लाख कायम भएको छ।

गत हप्ता आइतबार २ हजार ४ सय रुपैँयाँले मूल्य बढेकाे थियाे । साेमबार एकै दिन ५ हजार २०० ले बढ्याे । मंगलबार प्रतिताेला ३ सय रुपैँयाँले मूल्य बढ्याे । बुधबार प्रतिताेला ९ हजार ५ सय रुपैँयाँले मूल्य बढेकाे थियाे । बिहीबार प्रतिताेला २० हजार ५ सय रुपैँयाँले मूल्य बढ्याे । शुक्रबार प्रतिताेला २० हजार ५ सय रुपैँयाँले मूल्य घट्याे ।

यस्तै आज चाँदीकाे मूल्य पनि ह्वात्तै घटेको छ । १ हजार ५६५ रुपैँयाँले घटेर एक तोला चाँदीको मूल्य आज ५ हजार ५०० कायम भएको महासंघले जनाएकाे छ ।

गत बिहीबार सुन र चाँदी हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।