समानुपातिकमा सकियाे ९५ लाख ११ हजार मत गणनाः रास्वपाले कटायाे ४५ लाख ९४ हजार मत

काठमाडौँ । प्रत्यक्षमा १२५ सिट जितिसकेको राष्ट्रिय स्वतन्त्र पार्टी समानुपातिकमा पनि उच्च मत ल्याउँदै अघि देखिएको छ ।

यो समाचार तयार पार्दासम्म ९५ लाख ११ हजार ८४ मतगणना भइसकेको छ ।

जसमा रास्वपाले ४५ लाख ९४ हजार ९०५, नेपाली कांग्रेसले १५ लाख ४३ हजार ४०४ र एमालेले १२ लाख ८६ हजार ४५८ मत पाएको छ ।

यस्तै नेपाली कम्युनिष्ट पार्टी नेकपाले ६ लाख ९३ हजार ६८८, श्रम संस्कृती पार्टीले ३ लाख २५ हजार ९२७, राप्रपाले ३ लाख ३ हजार ६८०, जनता समाजवादी पार्टीले १ लाख ४७ हजार २९७ र राष्ट्रिय परिवर्तन पार्टीले १ लाख ४६ हजार ९३५ मत पाएका छन् ।

प्रत्यक्षमा १६३ स्थानकाे परिणाम आउँदा १२५ सिटसहित रास्वपा पहिलाे

काठमाडौँ । बिहीबार सम्पन्न प्रतिनिधिसभा निर्वाचनको मतपरिणाम अन्तिम चरणमा पुगेकाे छ । निर्वाचन आयाेगका अनुसार हालसम्म प्रत्यक्षमा १६५ मध्ये १६३ स्थानकाे नतिजा आइसकेकाे छ ।

विभिन्न जिल्लाका धेरैजसाे निर्वाचन क्षेत्रमा मतगणना भई परिणाम आइसकेका हुन् । मतगणना भइसकेका स्थान मध्ये रास्वपाकाे पक्षमा उल्लेख्य जनलहर देखिएकाे छ ।

जसमा रास्वपा १२५ स्थानमा विजयी भएकाे छ । कांग्रेसले १८ स्थानमा जीत हात पारेकाे छ। यस्तै एमाले एक स्थानमा अघि र ८ स्थानमा जीत हात पारेकाे छ ।

नेकपाले ७ स्थानमा जीत हात पारेकाे छ । श्रम संस्कृति ३ स्थानमा जितेकाे छ । यसैगरि राप्रपाले १ स्थानमा जितेकाे छ भने स्वतन्त्र उम्मेदवार महावीर पुनले एक सिट हात पारेका छन् ।